Wasiir ka tirsan Xukuumadda Soomaaliya oo Maanta hortagaya Xubnaha Aqalka Sare ee Dalka

Wasiirka Arrimaha Dibadda Dowladda Federaalka Soomaaliya Yuusuf Garaad Cumar ayaa maanta la filaya in uu hortago Xildhibaanada Aqalka Sare ee Dalka.

Xubnaha Aqalka Sare ayaa su’aalo weydiinaya Wasiirka Arrimaha Dibadda Yuusuf Garaad Cumar, waxaana ay wax ka weydiinayaan waxyaabaha u qabsoomay Wasaaradiisa tan iyo Markii Xilka loo magacaabay.

Xildhibaanada Aqalka Sare ayaa maalmihii dambe u yeerayay Wasiirada ka tirsan Xukuumadda Soomaaliya, waxaana ay wax ka weydiinayeen Wasaaradahooda waxyaabaha u qabsoomay,tan iyo Markii Xilalka loo dhiibay.

Waxana Xusid mudan in Wasiirkii ugu dambeeyay ee xubnaha Aqalka Sare ay su’aalo weydiiyaan ayaa waxa uu ahaa Wasiirka Duulista iyo Hawada Soomaaliya Maxamed C/laahi Salaad Omaar,kaas oo ka warbixiyay Waxyabaha u qabsoomay Wasaaradiisa tan iyo Markii Xilka Wasiirka Wasaarada Hawada Soomaaliya loo Magacaabay.