Dhageyso:Sababta ka dambeysay in uu Iscasilo Wasiirka Gaashaandhigga oo laga Warbixiyay

0
2

Golaha Wasiirada Xukuumadda Federaalka Soomaaliya ayaa maanta kulankooda caadiga ahaa waxa ay ku yeesheen magaalada Muqdisho ee caasimadda Soomaaliya, kaasi oo maanta waqti badan qaatay.

Kulanka oo uu shir guddoominayay Ra’iisul Wasaare ku xigeenka dalka Mudane Mahdi Maxamed guuleed {Qadar} ayaa waxaa looga hadlay arrimo badan oo ay ka mid ahaayeen Arrimaha amniga, xiriirka Dowladda Federaalka iyo Dowlad goboleedyada iyo warbixino laga dhageystay Wasiirka Arimaha Dibadda iyo Wasiirka Arrimaha Gudaha.

Golaha ayaa marka hore waxa ay si weyn uga hadleen arrimaha amniga, taasi oo Dowladdu ay sheegtay in ay dar dar gelineyso ammaanka guud ee dalka iyo xasilinta caasimadda.

Wasiirka Warfaafinta Soomaaliya ayaa sheegay in Golaha Wasiirada Soomaaliya la soo gaarsiiyay in Taliyihii Ciidanka xoogga dalka Axmed Maxamed Jimcaale Gen. Cirfiid uu is casilay, kadibna Wasiiru Dowlaha Gaashaandhigga Golaha Wasiirada uu horkeenay talo soo jeedin ku aadan Taliyaha xoogga dalka, maadaama booska uu banaanaaday in Sareeye Gaas C/wali Jaamac Xuseen {Gorod} loo magacaabo Taliyaha Ciidanka xoogga dalka, dood dheer iyo falanqeyn kadib Golaha Wasiirada ayaa ogolaaday in Gorod uu noqdo Taliyaha Ciidanka xooga dalka.

Ugu Dambeyntii ayaa Wasiirka Warfaafinta Xukuumadda Soomaaliya C/Raxmaan Cumar Cismaan ayaa Warbaahinta u sharaxay is casilaalda Wasiirkii Gaashaandhigga Soomaaliya C/rashiid C/laahi Maxamed, sababo looga aqabalay Iscasilaadiisa.

Hoos ka Dhageyso

Riix Halkan

NO COMMENTS