Madaxweyne Xasan Sheekh Maxamuud oo Hambalyo diray

0

Madaxweyne Xasan Sheekh Maxamuud ayaa Guddoomiyaha baarlamaanka Soomaaliya Maxamed Sheekh Cismaan Jawaari ugu hambalyeeyay xilka markale afarta sano ee soo socoto loo doortay.

Madaxweyne Xasan Sheekh Maxamuud ayaa guul taariikhi ah ku tilmaamay doorashada Baarlamaanka ee maanta ka dhacday xarunta Golaha Shacabka, isagoo bogaadiyay guddiga doorashada sida habsamida leh ee ay u wadeen hanaanka doorashada.

“Waxaan Mudane Maxamed Sheekh Cismaan Jawaari ugu hambalyaynayaa in uu noqdo markale Guddoomiyaha baarlamaanka ee afarta sano ee soo socota, waxaan kaloo amaan u jeedinayaa Musharixiinta kale ee tartanka la galay Guddoomiyaha” ayuu yiri Madaxweyne Xasan Sheekh Maxamuud.

Madaxweyne Xasan Sheeh ayaa ciidamada Amniga ku bogaadiyay xaqiijinta amniga caasimadda, maadaama lagu guda jiro dhameystirka hanaanka doorashada dadban ee dalka, isagoo shacabka ka codsaday inay muujiyaan dulqaad.

NO COMMENTS