Howlgal qorsheysan oo laga fuliyay gobolka Shabeelaha Hoose

0
1

Ciidamada dowladda Somaaliya oo kaashanaya kuwa Midowga Afrika ee Amisom ayaa howlgal qorsheysan ka fuliyay qeybo kamid ah gobolka Shabeelaha Hoose.

Howlgalka ayaa waxaa laga sameeyay deegaanka Baladul Amiin ee gobolkaasi Shabeelaha Hoose waxana ciidamadu ay werar ku qaadeen fariisin ciidamo ka tirsan Al-shabaab ay ku lahaayeen deegtaankaas.

Saraakiisha ciidanka Amisom ee gobolka Shabeelaha Hoose ayaa waxay Warbaahinta u sheegeen in ay gacanta ku dhigeen 10 Ruux oo ka tirsan Al-shabaab sida ay hadalka u dhigeen.

Saraakiisha ayaa sidoo kale waxay sheegeen in goobta la weeraray ay Al-shabaab ku qaadi jireen lacag taas oo keentay in ciidanka ay howlgal ka sameeyaan.

Dhanka kale majiran wax war ah oo kasoo baxay Al-shabaab ee ku aadan sheegasahda Saraakiisha ciidanka Amisom ee ku aadan in ay la wareegeen deegaano hoostaga Baladul- Amiin ee gobolka Shabeelaha Hoose.

NO COMMENTS