Home / Warar / Wararka / Xaaladda Magaalada Gaarisa oo Maanta Deggan ka Gadaal Qarax Xalay Halkaa ka Dhacay dhacay
qaar gaarisa

Xaaladda Magaalada Gaarisa oo Maanta Deggan ka Gadaal Qarax Xalay Halkaa ka Dhacay dhacay

Magaalada Gaarisa ee Gobolka Waqooyi bari ee Kiinya ayaa Xalay waxaa ka dhacay Qaerax aad u xoog badan.

Qaraxan oo ahaa Nooca Miinada Dhulka lagu aaso ayaa sida lagu soo Waramayo waxaa uu ka Dhacay Barxadda Gaarisa Primary School halka loo yaqaano iyadoo uu ku dhintay sida la Sheegay Ninkii Bumkaas doonayay inuu ku Aaso halkaas.

Saraakiisha Ciidamada Boliiska war bixin ay soo saareen ayay ku sheegeen in kaddib Qaraxa markii ay halkaa gaareen in ay arkeen Meeydka Hal Ruux oo aan la garanayn oo halkaas yaala iyagoona sheegay in iminka ay baarayaan Ninkaas.

Saraakiisha Ammaanka ayaa waxa ay intaa ku dareen in sidoo kale ay ka heleen Goobta qalabka Rimot Kontoroolka loo yaqaano kaasoo waa sida ay warka u dhigeene Ninka Dhintay uu ku doonayay inuu u adeegsado.

Warka ayaa waxaa uu intaa ku daray in Ciidamada ammaanka maanta ay halkaa ka sameynayaan hawl Galo baaritaano dheeri ah iyadoona si gaar ah Soomaalida halkaa ku dhaqan loo baarayo.

Xukuumadda Kiinya ayaa Ciidamadeeda waxa u caada ah Marka qarax sidan oo kale ah uu dhaco in ay qab qabshaal ay ugu dhaqaaqaan Soomaalida deggan halkaas .

Horey ayaa Mas’uuliyiin ka Tirsan Barlamaanka kiinya ay Xukuumadda u weeydiisteen in loo dhibaateyn Soomaalida qaraxyada ka dhaca gudaha Magaalooyinka waa weyn ee Kiinya.

Qaraxan xalay ka Dhacay Degmada Gaarisa ayaa waxa uu wal wal badan ku abuuray Soomaalida halkaa ku dhaqan iyadoo maanta inta badana Ganacsigii Soomaalidu ay ku lahayd Magaalada uu xiran yahay iyagoo ka cabsi qaba hawl galada ay sameynayaan Ciidamada ammanku in saameyn ay ku yeelato.

Si kastaba Dawladda Kiinya ayaa inta badan Qaraxyada ka Dhaca Gudaheeda waxa ay ku Eedeysaa Xarakada Shabaab