Home / Warar / Wararka / Maamulka Degmada Boon Dheere oo ka War Bixiyay Ol Olaha Nadaafadda Degmadaas.
cabdullaahi xirsi

Maamulka Degmada Boon Dheere oo ka War Bixiyay Ol Olaha Nadaafadda Degmadaas.

 Guddoomiyaha maamulka Dawladda Federaalka Soomaaliya ee Degmada Boon Dheere ayaa manta ka war bixiyay hawlaha Degmadaasi ka soconaya

 Cabdullaahi Xirsi War Dheere ayaa sheegay in dad weynaha oo degmadaasi oo isku duuban in xiligan ay dhexda u xidheen sidii ay u soo celin lahaayeen bilicdii iyo Nadaafaddii ay degmadaasu lahayd

Guddoomiyaha oo qaar ka mid ah war baahinta Maanta waraysi siiyaya ayaa intaa ku daray in ay dadaal ugu jiraan sidii degmada Boon dheere ay kalinta koowaad uga geli lahayd tartanka degmooyinka Gobolka banaadir u soconaya ee   ku aaddan Ol olaha Nadaafadda.

Xaafadaha kala duwan ee degmada Boon dheere ayaa xiligan waxaa si joogta ah uga soconayaa Ol olaha Nadaafadda iyadoo la arkayo boqolaal dada ah oo u badan Dumar oo qayb ka qaadanaya Nadaafadda ka soconaysa halkaa.

Degmada Boon Dheere ayaa waxa ay ka mid tahay Degmooyinka Caanka ku ah dhinaca abaabulada iyo Isbiiridka  iyadoo dadka halkaa ku dhaqana ay xiligan u soo jeesteen in ay soo ban dhigaan Qiiradii lagu yiqiin Reer Boon Dheere.