Home / Warar / Wararka / Xaflado lagu soo dhaweynayo Sanadka Cusub laguna Sagootinayo Sanadkii Hore ayaa Xalay ka Dhacay Qaybo ka Mid ah Dalka Soomaaliya.
xaflado--

Xaflado lagu soo dhaweynayo Sanadka Cusub laguna Sagootinayo Sanadkii Hore ayaa Xalay ka Dhacay Qaybo ka Mid ah Dalka Soomaaliya.

Iyadoo xalay saqdii dhexe wixii ka danbeeyay la galayay kala guurka Xiliga ayaa waxaa ka dhacay qaybo ka mid ah Dalka Soomaaliya Xaflado lagu xusayo Sanadka Cusub iyo Sagootinta Sanadkii hore.

Munaasibad si heer sare loo soo agaasimay oo ay ka soo qayb galeen qaybaha kala duwan ee Bulshada ayaa xalay waxa ay ka kala dhaceen Degmooyinka Hawl Wadaag iyo Wardhiigleey ee Magaalada Muqdisho.

Munaasibaddii ka dhacday Degmada Hawl wadaag ayaa waxaa ka qayb galay Guddoomiyaha Maamulka Dawladda Federaalka Soomaaliya ee Gobolka banaadir Tarzan kaasoo ugu horeynba shacabka Soomaaliyeed ugu hanbalyeeyay bilaabashada sanadka Cusub ee 2013ka.

Guddoomiye Tarzan ayaa sheegay in sanadkii la soo dhaafay uu ahaa sano Shacabka ku dhaqan Gobolka banaadir wax badan ay u qabsoomeen isagoona dhinaca nabadda sheegey inuu ahaa mid horumar laga gaaray isagoona tusaale u soo qaatay sanad ka hor goobta Xafladdu ka dhacayso sida ay ahayd.

Guddoomiyaha Maamulka Gobolka banaadir ayaa ugu yeeray  Shacabka ku dhaqan Magaalada Muqdisho in ay isu taagaan sidii ay uga qayb qaadan lahaayeen hourmarinta GFobolka isagoona ka codsaday Dad weynaha in Ciidamada ammaanka ay kala shaqeeyaan sidii loo sugi lahaa ammaanka guud ee Magaalada.

Xaflad taa la mid ah oo iyaduna ka dhacday Degmada Deyniile ayaa waxaa halkaa Khudbad ka jeediyay Guddoomiyaha Degmadaasi Daahir xasan Xuseen oo u hanbalyeeyay Dad weynihii faraha badnaa ee xafladdaas ka soo qayb galay isagoona u rajeeyay in sanadkan sanadkiisa ay ku gaaraan Horumar iyo barwaaqo.

Dhamaanba Mas’uuliyiint ka hadashay Munasabadahaas kala duwan ayaa ka hadlay Faa’iidada Nabadu u leedahay dhinaca iyo Hor marka halka Colaadana ay ku sheegeen in ay tahay mid horseedaya bur bur iyo dib u dhac.

Si kastaba Munaasibadahii xalay ka dhacay Magaalada Muqdisho ayaa waxa ay dadku ku soo ban dhigeen Ciyaaro Hiddaha iyo dhaqanka taasoo dadkii ka qayb galay Munaasibadahaas ay si weyn u jecleysteen.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>