Home / Warar / Wararka / Kooxo ku Lebisan Direyska Ciidamada oo Xalay Falal Baarasho iyo Dil ka Gaystay Degaanka Kaxda

Kooxo ku Lebisan Direyska Ciidamada oo Xalay Falal Baarasho iyo Dil ka Gaystay Degaanka Kaxda

Wararka naga soo gaaraya Degaanka Kaxda ee Duleedka Magaalada Muqdisho ayaa sheegaya in habeenkii Xalay  Kooxo ku lebisan Direyska Ciidamada Dawladda ay halkaas ka gaysteen  Falal isugu jira Dhac iyo Dilba.

Maamulka Degaankaas oo Saxaafadda la hadlay ayaa u sheegay in Kooxdan oo ka Koobneed illaa Afar qof in Salaaddii Maqrib kaddib ay Dhinac ka soo galeen Xaafadda isla markaana ay bilaabeen in ay baartaan dadkii Degaanka dhex joogay.

Dadkan ayaa sida lagu soo waramay waxaa ay ka qaateen illaa Dhowr Taleefanda  Gacan qaadka ee Mobaliada loo yaqaano kuwaasoo halkaas ka sii watay Falkoodii baarasho.

Sida uu xaqiijiyay Guddoomiyaha Degaanka Kaxda Raggaas ayaa waxaa ay la kulmeen Haweeney ka mid ahayd dadka Degaanka kuwaasoo haweeneydii baarsho ugu dhaqaaqay ha yeeshee markii ay wax ka waayeen haweeneydiina ay qaylisey Xabad ku dhuftay.

Haweeneyda xabadda lagu dhuftay ayaa dhaawac ahaan loola cararay Isbitaalka hase yeeshee markii isbitaalka la geeyay ayay waxa y u geeryootay Dhaawicii ka soo gaaray xabaddii ay ku dhufteen Kooxihii dableyda ahaa.

Warku waxaa uu intaa ku daray in muddo kaddib halkaas ay isugu soo baxeen dadkii degaanka oo isu soo diyaariyay in ay gacamahooda wax uga qabtaan Raggaas Falalka Baarasho iyo Dilka ka gaystay Degaankaas in kastoo aysan suurta gelin oo Kooxdii Dableyda ahayd markii Goobta ay ka carareen.

Ma jiraan wax hadal ah oo ka soo baxay dhinaca Ciidamada ammaanka eek u aaddan Dhibaatada xalay ka dhacday Xaafadda Kaxda xilli waliba Fiid hore ah.

Arrintan ayaa waxa ay imaanaysaa ka gadaal markii dhawaan magaalada Muqdisho laga qaaday Kooxihii Isbaarada taasoo keentay in Kooxihii ku shaqaynsan jiray Isbiraada in ay dib u bilaabaan in ay ku gurya noqdaan Shacabka.

Si kastaba Xaaladda kaxda ayaa saaka kacsan iyadoo dadkuna cabsho ballaaran ay ka muujinayaan dhacdadii xalay halkaa ka dhacday isla markaana Dawladda  Federaalka ka  codsanaya in ay wax ka qabato Falalka amni darro ee ka jira degaankaas