Home / WARARKA / Taliyaha Booliska Degmada Kaaraan oo Xilkii laga qaaday

Taliyaha Booliska Degmada Kaaraan oo Xilkii laga qaaday

Taliska Booliska Soomaaliyeed ayaa xilkii ka qaaday Taliyihii Saldhiga Degmada Kaaraan ee Gobolka Banaadir waxaana lagu badalay Taliye Cusub.

Taliyaha Cusub ee Saldhiga Booliska Kaaraan loo Magacaabay ayaa waxaa lagu Magacaabaa Cabdi Sheekh Ciise Axmed,oo kamid ahaa saraakiisha ciidamada Booliska Soomaaliyeed.

Wararka ayaa waxa ay sheegayaan in Taliyaha Cusub ee Saldhiga Booliska degmada Kaaraan uu la dhashay Sheekh Yuusuf Sheekh Ciise Kaba Kudukade oo ah Gudoomiyaha Shabaab ugu Magacaaban Gobolka Shabellaha dhexe.

Kadib markii ay soo baxday Magacaabista taliyaha Saldhiga Booliska degmada Kaaraan ayaa waxaa xilka qaadista ka biyo diiday taliyihii Saldhigaas ee Canjeex,waxaana warar aan heleyno ay sheegayaan in Ciidamo farabadan oo boolis ah uu ku heysto banaanka hore ee Saldhiga.

Xilka qaadistaan iyo Magacaabistaas ayaa waxa ay ku soo aadeysaa xilli isla Maanta xilkii laga qaaday guddoomiihii degmada Howl-wadaag,isla markaana guddoomiye kale la Magacaabay.

Leave a Reply