Home / WARARKA / Dhageyso:-Cali Muuse “Lagama yaabo in ay dib u soo Noqdaan Raggii ONLF ka tirsanaa ee Hubka laga qaatay “

Dhageyso:-Cali Muuse “Lagama yaabo in ay dib u soo Noqdaan Raggii ONLF ka tirsanaa ee Hubka laga qaatay “

Degaanka Balanbale DananFM:-Taliyaha Ciidanka Booliska ee Degmada Balanbale ee Gobolka Galgaduud Cali Muuse Shiine,oo wareysi gaar ah siiyay Idaacadda Danan ee Magaalada Muqdisho,ayaa sheegay in Rag ka tirsan Jabhada ONLF oo marayay Duleedka Degmada Balanbale laga qaatay Hubkii ay wateen kadib markii sida uu tilmaamay ay wadada u galeen Maleeshiyo beeleed hubeysnaa,waxa uu tilmaamay in ilaa iyo hadda aysan ogeeyn in Ragga ka tirsan Jabhada ONLF ee Hubka laga qaatay halka ay u socdeen iyo Ujeedooda waxa ay aheyd sida uu hadalka u dhigay.

Dhanka kale Taliyaha Ciidanka Booliska ee Degmada Balanbale ee Gobolka Galgaduud oo hadalkiisa siiwata ayaa hoosta ka xariiqay in Ragga ka tirsan Jabhada ONLF ay ahayeen ilaa iyo dhowr iyo toban Ruux,kuwaas oo sida uu tilmaamay doonayay in Degaanka ay ka racaan Gawaari sida loo maleynayo,laakin ay Maleeshiyaadka ay jidka u galeen.

Sidoo kale Taliyaha Ciidanka Booliska ee Degmada Balanbale ee Gobolka Galgaduud ayaa la weydiiyay Su’aal aheyd in laga yaabo in ay dib u soo rogaal celinayaan Ragga ONLF ka tirsanaa ee Hubka laga qaatay,ayaa waxa uu Taliyaha ku Jawaabay in aysan suurta gal aheeyn ay dib u soo laabtaan Raggaasi.

Hoos ka Dhageyso Wareysiga Taliyaha Ciidanka Booliska Degaanka Balanbale

Riix Halkan