Home / WARARKA / Dhageyso:-Guddoomiye Yariisow “Amaanka Magaalada waa laisku haleeyn karaa”

Dhageyso:-Guddoomiye Yariisow “Amaanka Magaalada waa laisku haleeyn karaa”

Muqdisho DananFM:-Guddoomiyaha Magaalada Marka ee Xarunta Gobolka Shabeellaha Hoose,Maxamed Cismaan Cali (Yariisow) oo wareysi gaar ah siiyay Idaacadda Danan ee Magaalada Muqdisho,ayaa sheegay in Roobkii dhawaan ka da’ay Magaalada Marka uu sameeyn Xoog leh ku reebay Shacabka ku Nool Magaalada Marka,isla markaana Roobka uu inta badan burburiyey Guryo ay daganayeen Dad dan yar ah,Waxa uuna sidoo kale tilmaamay in hadda ay ku sugan yihiin Dadkaasi Xaalad aad u liidata,ay u baahan yihiin in gargaar lala soo gaaro sida uu hadalka u dhigay.

Dhanka kale Guddoomiye Maxamed Yariisow ayaa hoosta ka xariiqay in Xaafado ka mid ah Magaalada Marka ay ku sugan yihiin Al-shabaab,dhinaca kalana Magaalada ay ku sugan yihiin Maamulkooda,isla markaana mararka qaar ay Rasaas is dhaahsadan Ciidanka Dowladda iyo Al-shabaab.

Sidoo kale Maxamed Cismaan Cali (Yariisow) Guddoomiyaha Magaalada Marka ayaa tilmaamay in Magaalada ay ku sugan yihiin Ciidamo dhar cad ah oo ah Nabad Sugid ah,isla markaana ay la socda qof walbo oo Magaalada soo gala,waxa uuna xusay in Ammaanka Magaalada Marka gaar ahaan qeybta ay ku sugan yihiin Maamulkooda laisku haleeyn karo.

Hoos ka Dhageyso Wareysiga Guddoomiye Yariisow

Riix Halkan